Kompaniyamiz ishlab chiqarayotgan to‘qimachilik mahsulotlariga bo‘lgan talab yil sayin ortib bormoqda. Shu sababli biz faoliyatimizni yanada kengaytirib, eksport yo‘nalishlarimizga yana 3 ta yangi davlatni qo‘shdik. Endilikda mahsulotlarimiz Yevropaning yirik brendlari hamda Osiyo bozoridagi hamkorlar uchun muntazam yetkazib beriladi.

Bu kengayish kompaniyamizning xalqaro miqyosda o‘sishiga, yangi ish o‘rinlarining yaratilishiga hamda ishlab chiqarish hajmining sezilarli darajada oshishiga xizmat qiladi.


 Eksport jarayonlarida sifat nazorati va logistika tizimiga alohida e’tibor qaratilmoqda. Bizning maqsad — O‘zbekiston to‘qimachilik brendini jahonga tanitish va raqobatbardosh mahsulotlar bilan yangi bozorlarda mustahkam o‘rin egallashdir.